Venezia hefur fengið hinn átján ára gamla Ísak Daða Ívarsson á láni frá Víkingi. Frá þessu greinir ítalska félagið. Í tilkynningu Venezia segir að í lánssamningnum sé ákvæði sem ítalska félagið geti nýtt sér til að kaupa Ísak.
Ísak varð átján ára fyrr í þessum mánuði en hann er uppalinn Víkingur sem kom við sögu í 32-liða úrsltium Mjólkurbikarsins í sumar. Það var hans fyrsti keppnisleikur í meistaraflokki.
Ísak, sem er varnarmaður, fór ásamt Sigurði Steinari Björnssyni, öðrum Víkingi, til Venezia á reynslu í lok apríl.
Hjá Venezia mun Ísak æfa og spila með Primavera liði félagsins sem er blanda af U19 og varaliði.
Athugasemdir