Felipe Anderson frá í mánuð

David Moyes, þjálfari West Ham, sagði frá þessu á fréttamannafundi. „Felipe er að glíma við vandamál í bakinu. Við höldum að hann verði frá í fjórar vikur."

Anderson er 26 ára gamall brasilískur kantmaður. Á þessu tímabili hefur hann leikið 22 leiki í öllum keppnum og aðeins skorað eitt mark.

Moyes er nú þegar án leikmanna eins og Ryan Fredericks og Lukasz Fabianski sem eru meiddir. Þó getur hann verið ánægður með það að Michail Antonio er að snúa aftur til baka eftir meiðsli.

Það er nóg að gera hjá West Ham næstu vikurnar, en liðið mætir Leicester á útivelli í kvöld. West Ham er í fallbaráttu í ensku úrvalsdeildinni.