Cardiff City hefur ákveðið að ráða Mick McCarthy sem knattspyrnustjóra og skrifar hann undir samning út tímabilið.
Neil Harris var nýlega rekinn frá welska liðinu eftir arfaslakt gengi í deildinni. Liðið situr í 15. sæti næst efstu deildar Englands.
Cardiff hefur tapað sex síðustu leikjum sínum í öllum keppnum og er úr leik í enska bikarnum.
McCarthy kemur með mikla reynslu til cardiff en hann var síðast þjálfari APOEL í Kýpur og fyrir það landsliðsþjálfari Íra.
Hann kemur frá Írlandi og hefur einnig þjálfað lið Millwall, Sunderland, Wolves og Ipswich í Englandi.
Athugasemdir