Robertson jafnaði met Alexander-Arnold
Mynd: Getty Images
Mynd: Getty Images
Trent Alexander-Arnold og Andy Robertson bakverðir Liverpool hafa verið stórkostlegir með liðinu undanfarin ár en þeir hafa samanlegt gefið liðsfélögum sínum rúmlega hundrað stoðsendingar.
Robertson byrjaði á bekknum í leik Liverpool gegn Luton í gær en Alexander-Arnold er fjarverandi vegna meiðsla.
Robertson kom inn á sem varamaður og var ekki lengi að láta til sín taka þegar hann lagði upp þriðja mark leiksins á Luis Diaz í 4-1 sigri.
Þetta var 58. stoðsendingin hans í úrvalsdeildinni en hann lagði upp tvö mörk fyrir Hull tímabilið 2016-17 áður en hann gekk síðan til liðs við Liverpool.
Hann jafnaði þar með met Alexander-Arnold og eru þeir félagar því jafnir yfir flestar stoðsendingar frá varnarmönnum í deildinni.
