Héraðsdómaranámskeið verður haldið í Sókninni á 3. hæð í höfuðstöðvum KSÍ fimmtudaginn 25. mars kl. 17:30.
Námskeiðið er hugsað fyrir alla starfandi dómara og þá sem vilja öðlast réttindi héraðsdómara og mun Bríet Bragadóttir FIFA dómari kenna á námskeiðinu.
Hægt er að hlusta á viðtal við Bríeti í Heimavellinum hér að neðan.
Héraðsdómaranámskeiðið veitir dómurum réttindi til að starfa á leikjum í meistaraflokki, en um er að ræða tveggja og hálfs tíma fyrirlestur.
Einungis þeir sem lokið hafa byrjendanámskeiði hafa rétt á því að sitja námskeiðið. Ekkert próf en viðvera gefur réttindi til héraðsdómara og er námskeiðið ókeypis. Lögð er áhersla á hagnýtar hliðar dómgæslunnar.
Skráning er hafin á [email protected].
Athugasemdir