Það komu nokkrir Íslendingar við sögu í leikjum dagsins í Skandinavíu, þar sem Róbert Orri Þorkelsson var í tapliði Kongsvinger gegn Sogndal í næstefstu deild í Noregi.
Sogndal vann leikinn 2-0 þar sem Óskar Borgþórsson kom inn af bekknum á lokamínútunum í sigrinum á heimavelli.
Róbert Orri lék allan leikinn í liði Kongsvinger sem er á toppi OBOS-deildarinnar þrátt fyrir að vera aðeins búið að ná í eitt stig úr síðustu þremur leikjum.
Sogndal er í þriðja sæti, tveimur stigum á eftir Kongsvinger.
AGF og Brabrand gerðu þá markalaust jafntefli í æfingaleik í Danmörku og fóru nokkrir leikir fram í efstu deild kvenna í Noregi.
Þar var Íris Ómarsdóttir í liði Stabæk sem tapaði 0-1 á heimavelli gegn Lilleström, á meðan Natasha Moraa Anasi og Sædís Rún Heiðarsdóttir sátu á bekkjunum hjá Brann og Vålerenga í góðum sigrum.
Vålerenga lagði Rosenborg á útivelli í toppslag deildarinnar á meðan Brann sigraði auðveldlega gegn botnliði Arna-Björnar og situr í þriðja sæti.
Sogndal 2 - 0 Kongsvinger
AGF 0 - 0 Brabrand
Rosenborg 1 - 2 Valerenga
Brann 5 - 1 Arna-Bjornar
Stabaek 0 - 1 Lillestrom
Athugasemdir
