Hemmi um Adam Páls: Þurfum sterka varnarmenn

„Nei nei, engin sérstök ástæða. Við erum kannski aðeins að breyta til með varnarleikinn fremst á vellinum og þurfum sterka varnarmenn," sagði Hemmi við Fótbolta.net eftir leikinn í gær. Viðtalið við þjálfarann má nálgast í spilaranum neðst.

Adam er 28 ára, hann hefur skorað þrjú mörk og lagt upp eitt í tíu leikjum í deildinni og hafa átta af þeim verið byrjunarliðsleikir.

Valur hefur fengið eitt stig úr síðustu fjórum leikjum sínum. Hemmi er ánægður með frammistöðuna í síðustu tveimur leikjum, gegn ÍA og Keflavík, eftir töp gegn Víkingi og KR í leikjunum þar á undan. Valsarar eru þunnskipaðir sóknarlega þar sem þeir Kristinn Freyr Sigurðsson, Patrick Pedersen og Dagur Orri Garðarsson glíma við meiðsli. Lúkas Logi Heimisson var þá í leikbanni í gær.