„Ég er spenntur að byrja og spila fyrir framan stuðningsmennina. Ég er spenntur að vera kominn. Ég hef aldrei spilað eða verið í Svíþjóð áður," sagði Andri við undirskrift.

Hjá Norrköping verður Andri liðsfélagi Ara Freys Skúlasonar, Arnórs Sigurðssonar og Jóhannesar Kristins Bjarnasonar.

Andri varð tvítugur í janúar og hefur verið í A-landsliðinu frá því í september í fyrra þegar hann lék sinn fyrsta leik. Hann hefur til þessa skorað tvö mörk fyrir landsliðið og eru leikirnir orðið níu.

Hér að neðan má sjá skemmtileg kynningarmyndbönd sem Norrköping birti á Twitter. „Gaman að sjá ykkur strákar" segir Ari Freyr Skúlason í einu þeirra.