Fotbolti.net
22.07.22 - 10:23
Sæbjörn Þór Þórbergsson Steinke

Ben Mee til Brentford (Staðfest)

Ben Mee til Brentford (Staðfest)
Canon

Mynd: Brentford

Hinn 32 ára gamli Ben Mee hefur skrifað undir tveggja ára samning við Brentford. Hann kemur til félagsins frá Burnley þar sem hann hefur verið fyrirliði síðustu ár. Mee kemur á frjálsri sölu þar sem samningur hans við Burnley rann út í lok júní.

Mee var í ellefu ár hjá Burnley sem féll úr úrvalsdeildinni í vor. Mee vildi spila áfram í deild þeirra bestu.
Hann er fjórði leikmaðurinn sem Brentford fær í sumar. Áður höfðu þeir Thomas Strakosha, Aaron Hickey og Keane Lewis-Potter gengið í raðir Brentford.

Brentford var nýliði í úrvalsdeildinni á síðasta tímabili, endaði í 13. sæti.

Mee er enskur miðvörður sem uppalinn er hjá Manchester City. Hann lékk einn keppnisleik með Manchester City áður en hann fór frá félaginu árið 2012. Tímabilið 2010-11 var hann á láni hjá Leicester og tímabilið 2011-12 var hann lánaður til Burnley sem í kjölfarið fékk hann alfarið í sínar raðir.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.