Enska úrvalsdeildarfélagið Úlfarnir hafa fengið sóknarmanninn Willian Jose frá Real Sociedad fyrir átökin sem framundan eru.
Hann kemur á sex mánaða lánssamningi og eiga Úlfarnir svo möguleika á því að kaupa hann næsta sumar. Ítalski fjölmiðlamaðurinn Fabrizio Romano segir að upphæðin sem Wolves geti keypt hann á sé í kringum 20 milljónir evra.
Fyrir ári síðan var Willian nálægt því að ganga í raðir Tottenham en þau félagaskipti gengu ekki upp að lokum.
Nuno Espirito Santo, stjóri Wolves, vildi bæta framherja í hópinn þar sem óvíst er hvenær Raul Jimenez snýr aftur. Jimenez höfuðkúbubrotnaði gegn Arsenal 29. nóvember en síðan þá hafa Úlfarnir einungis unnið einn leik í ensku úrvalsdeildinni.
Athugasemdir