Fílabeinsstrendingurinn Sebastien Haller fékk magnaðar móttökur er hann kom inná í sínum fyrsta leik fyrir aðallið Borussia Dortmund gegn Augsburg í gær.
Haller kom til Dortmund frá Ajax síðasta sumar en veiktist skyndilega í æfingabúðum félagsins.
Eftir frekari rannsóknir kom það í ljós að hann væri með krabbamein í eistum og fór hann strax í aðgerð. Framherjinn fór í gegnum þrjár geislameðferðir og nú hálfu ári síðar snéri hann aftur á völlinn.
Haller náði aldrei að spila keppnisleik fyrir Dortmund og var hann því að spila sinn fyrsta leik fyrir félagið í gær. Hann kom inná þegar hálftími var eftir af leiknum og fékk blíðar móttökur.
Sébastien Haller comes on for Dortmund. The noise… pic.twitter.com/gW7LobyppO
— Archie Rhind-Tutt (@archiert1) January 22, 2023
Athugasemdir