Ítalía: Svekkjandi endir á ferlinum hjá Ranieri
Mynd: EPA
Mynd: EPA
<b>Cagliari 2 - 3 Fiorentina</b>
0-1 Giacomo Bonaventura ('39 )
1-1 Alessandro Deiola ('64 )
2-1 Kingstone Mutandwa ('85 )
2-2 Nicolas Gonzalez ('89 )
2-3 Arthur Melo ('90 , víti)
Claudio Ranieri hefur stýrt sínum síðasta leik á ferlinum en hann hefur ákveðið að hætta. Hann stýrði Cagliari í síðasta sinn í kvöld þegar liðið tapaði gegn Fiorentina á grátlegan hátt.
Cagliari var 2-1 yfir þar til Nicolas Gonzalez jafnaði metin undir lok venjulegs leiktíma.
Það voru síðan 13 mínútur komnar framyfir venjulegan leiktíma þegar Arthur Melo tryggði Fiorentina öll stigin með marki úr vítaspyrnu.
Vítaspyrnudómurinn þótti ansi strangur en varnarmaður Cagliari sparkaði í hælinn á Lucas Beltran inn á teignum.
Þessi sigur þýðir að Fiorentina hefur tryggt sér sæti í Evrópukeppni á næstu leiktíð. Það kemur í ljós um helgina hvort liðið muni spila í Evrópudeildinni eða Sambandsdeildinni.
Cagliari er eina liðið sem hefur lokið leik en liðið er í 15. sæti deildarinnar.
