Helgadæturnar Eydís og Hugrún, fæddar 2002, hafa samið við HK út tímabilið 2025.
Þær fylgdust að í gegnum yngri flokka Breiðabliks, ásamt því að spila með Augnabliki þar sem þær unnu 2. deildina og léku í fjögur ár með þeim í Lengjudeildinni.
Í fyrra léku þær með KR í Lengjudeildinni.
„Þær búa þó hvor í sínu fylkinu í Bandaríkjunum á veturna þar sem þær spila í háskólabolta þarlendis. Það er eitt af fáu sem skilur þær að. Reyndar spila þær ólíkar leikstöður, Eydís er kantmaður og Hugrún varnarmaður. Að öðru leyti verða þær vart greindar í sundur og kannski blessunarlega þar sem þær hafa fjölmarga góða kosti. Þar sem þær eru, þar er stemning, gleði og barátta," segir í tilkynningu HK.
Þær eru nýlega komnar til landsins frá Bandaríkjunum og eru mættar í hópinn hjá HK.
HK hefur tekið eitt stig úr fyrstu tveimur leikjunum í Lengjudeildinni en næsti leikur liðsins er gegn FHL annað kvöld.
Athugasemdir