Veron er 19 ára gamall og hefur komið að 28 mörkum í 95 leikjum með Palmeiras.

Hann þykir með efnilegri leikmönnum Brasilíu og fær nú tækifæri til að bæta leik sinn hjá Porto, en hann gerir fimm ára samning við félagið.

Félagið er með þeim fremstu í Evrópu þegar það kemur að því að finna óslípaða demanta í Suður-Ameríku og selja þá með miklum hagnaði í stærstu félög heims.

Það verður fróðlegt að sjá hvað verður úr Veron, sem á 20 leiki og 6 mörk fyrir yngri landslið Brasilíu.