23.07.24 - 13:06
Sæbjörn Þór Þórbergsson Steinke
Kristján Óli mjög ósáttur við skiptingar Breiðabliks - „Hlýtur að fara í skoðun eftir þessa þvælu"
Dagur Fjeldsted sat allan tímann á bekknum.
Mynd: Fótbolti.net - Hafliði Breiðfjörð
Kristján Óli.
Mynd: Fótbolti.net - Hafliði Breiðfjörð
Dagur Fjeldsted sat allan tímann á bekknum.
Mynd: Fótbolti.net - Hafliði Breiðfjörð
Í Þungavigtinni í gær var leikur Breiðabliks og KR til umræðu. Breiðablik vann sannfærandi 4-2 sigur á sunnudag en Blikar hefðu hæglega getað skorað fleiri mörk í leiknum.
Kristján Óli Sigurðsson er stuðningsmaður Breiðabliks og stjúpfaðir leikmanns í Breiðabliki. Dagur Örn Fjeldsted, sem er 19 ára sóknarmaður, sat allan tímann á bekknum hjá Blikum og var Kristján Óli allt annað en sáttur.
Það vakti athygli að þjálfarinn Halldór Árnason notaði ekki allar sínar skiptingar í leiknum. Alexander Helgi Sigurðarson fór af velli vegna meiðsla í fyrri hálfleik og eftir klukkutíma leik komu þeir Arnór Gauti Jónsson og Arnór Sveinn Aðalsteinsson inn á.
Kristján Óli Sigurðsson er stuðningsmaður Breiðabliks og stjúpfaðir leikmanns í Breiðabliki. Dagur Örn Fjeldsted, sem er 19 ára sóknarmaður, sat allan tímann á bekknum hjá Blikum og var Kristján Óli allt annað en sáttur.
Það vakti athygli að þjálfarinn Halldór Árnason notaði ekki allar sínar skiptingar í leiknum. Alexander Helgi Sigurðarson fór af velli vegna meiðsla í fyrri hálfleik og eftir klukkutíma leik komu þeir Arnór Gauti Jónsson og Arnór Sveinn Aðalsteinsson inn á.
Lestu um leikinn: Breiðablik 4 - 2 KR
„Halldór Árnason setur inn á 38 ára gamlan leikmann, Arnór Svein Aðalsteinsson. Sonur þinn, Dagur, 2005 módel, kemur ekki inn á. Er í skoðun að hann fari eitthvað annað, á lán til þess að spila eitthvað?" spurði þáttarstjórnandinn Rikki G.
„Það hlýtur að fara í skoðun eftir þessa þvælu. Auðvitað notaru fimm skiptingar þegar þú ert í Evrópuálagi og staðan 4-1 eftir 47 mínútur. Þá bara skiptiru öllum inn á nema einum og það er 38 ára gamall maður sem er búinn að vinna allt og ekki búinn að spila neinn leik í sumar. Heldur þú að Patrik Johannesen, langlaunahæsti leikmaður liðsins, hafi verið sáttur við að koma ekki inn á í leiknum? Hann fær ekki eina sekúndu. Ég skil ekki alveg þetta dæmi hjá Dóra í gær, en ég held að hann hafi áttað sig á því þetta voru smá mistök," sagði Kristján Óli og velti fyrir sér hvort Kristinn Steindórsson gæti byrjað þrjá leiki á átta dögum því framundan er leikur á fimmtudag í Sambandsdeildinni gegn Drita og Blikar spiluðu líka síðasta fimmtudag.
„Eigum við ekki að leyfa Dóra að eiga síðasta orðið, er hann ekki á æfingasvæðinu og þar er allt mælt," sagði yfirvegaður Mikael Nikulásson.
Leikurinn var, eins og Kristján Óli benti á, fyrsti leikur Arnórs Sveins í sumar. Dagur hefur komið við sögu í átta leikjum í sumar og skoraði gegn Vestra í 2. umferð mótsins. Hann á að baki sex U19 landsleiki og lék með U20 landsliðinu í mars. Fyrr á þessu ári framlengdi hann samninginn við Breiðablik út tímabilið 2026.
„Það hlýtur að fara í skoðun eftir þessa þvælu. Auðvitað notaru fimm skiptingar þegar þú ert í Evrópuálagi og staðan 4-1 eftir 47 mínútur. Þá bara skiptiru öllum inn á nema einum og það er 38 ára gamall maður sem er búinn að vinna allt og ekki búinn að spila neinn leik í sumar. Heldur þú að Patrik Johannesen, langlaunahæsti leikmaður liðsins, hafi verið sáttur við að koma ekki inn á í leiknum? Hann fær ekki eina sekúndu. Ég skil ekki alveg þetta dæmi hjá Dóra í gær, en ég held að hann hafi áttað sig á því þetta voru smá mistök," sagði Kristján Óli og velti fyrir sér hvort Kristinn Steindórsson gæti byrjað þrjá leiki á átta dögum því framundan er leikur á fimmtudag í Sambandsdeildinni gegn Drita og Blikar spiluðu líka síðasta fimmtudag.
„Eigum við ekki að leyfa Dóra að eiga síðasta orðið, er hann ekki á æfingasvæðinu og þar er allt mælt," sagði yfirvegaður Mikael Nikulásson.
Leikurinn var, eins og Kristján Óli benti á, fyrsti leikur Arnórs Sveins í sumar. Dagur hefur komið við sögu í átta leikjum í sumar og skoraði gegn Vestra í 2. umferð mótsins. Hann á að baki sex U19 landsleiki og lék með U20 landsliðinu í mars. Fyrr á þessu ári framlengdi hann samninginn við Breiðablik út tímabilið 2026.
Heimild: Þungavigtin
Kristján Óli.
Mynd: Fótbolti.net - Hafliði Breiðfjörð
