Færeyska landsliðið: Heimir Guðjónsson og Guðjón Þórðarson hafa báðir verið orðaður við landsliðsþjálfarastöðuna í Færeyjum en Lars Olsen gæti hætt með liðið eftir undankeppni EM.

Pepsi Max-deildin

KR: Emil Ásmundsson kemur til KR frá Fylki eftir tímabilið. Samningslausu leikmennirnir Pálmi Rafn Pálmason, Arnór Sveinn Aðalsteinsson og Aron Bjarki Jósepsson verða væntanlega allir áfram í Vesturbænum.

Breiðablik: Ennþá er óljóst hvort Ágúst Gylfason haldi áfram sem þjálfari. Óskar Hrafn Þorvaldsson, þjálfari Gróttu, og Heimir Guðjónsson hafa verið orðaðir við þjálfarastöðuna. Óvíst er með framtíð Alfons Sampsted og Höskuldar Gunnlaugssona sem eru á láni frá félögum í Svíþjóð. Damir Muminovic gæti sagt upp samningi sínum eftir tímabilið en önnur stór félög í deildinni vilja hann í sínar raðir. Guðmann Þórisson, varnarmaður FH, gæti endað ferilinn á heimaslóðum í Kópavogi.

FH: Færeyski markvörðurinn Gunnar Nielsen er á förum en samningur hans er að renna út. Kristinn Steindórsson, Guðmann Þórisson og Halldór Orri Björnsson fara líklega einnig. Atli Guðnason gæti fylgt fordæmi Davíðs Þórs Viðarssonar og lagt skóna á hilluna.

Stjarnan: Ingvar Jónsson, markvörður Viborg, gæti verið á leið í Garðabæinn á nýjan leik en hann varð Íslandsmeistari með Stjörnunni árið 2014. Aðrar sögur segja að Haraldur Björnsson verði áfram aðalmarkvörður. Björn Berg Bryde, sem var í láni hjá HK, gæti farið alfarið frá Stjörnunni.

KA: Líklegt er að varnarmaðurinn Callum Williams hætti og markvörðurinn Kristijan Jajalo gæti farið annað. Spánverjarnir Iosu Villar og Daniel Cuerva eru á förum. Torfi Tímoteus Gunnarsson fer aftur til Fjölnis eftir að hafa verið á láni fyrir norðan og framherjinn Sæþór Olgeirsson er líklega á förum. Sögur eru um að Rodrigo Gomes Mateo, miðjumaður Grindavíkur, sé búinn að semja við KA. Viðræður hafa átt sér stað en ekki er búið að setja undirskrift á blað. Milan Stefán Jankovic, aðstoðarþjálfari Keflavíkur, er ítrekað orðaður við aðstoðarþjálfarstöðuna hjá KA.

Fylkir: Þjálfaraleit er í Árbænum en Ólafur Ingi Skúlason, fyrirliði liðsins, ku vera líklegastur í stöðuna Hverjir verða honum við hlið í þjálfarateyminu er óljóst. Ejub Purisevic hefur einnig verið orðaður við stöðuna hjá Fylki. Varnarmaðurinn Guðmann Þórisson gæti komið frá FH og Fylkir er líka að skoða liðsfélaga hans Halldór Orra Björnsson. Markvörðurinn Haraldur Björnsson gæti komið frá Stjörnunni. Jónas Björgvin Sigurbergsson, leikmaður Þórs, æfir með Fylki þessa dagana og hann gæti farið til félagsins. Harley Willard kantmaður Víkings Ólafsvíkur er á óskalistanum hjá Fylki.

HK: HK-ingar eru í leit að vinstri bakverði þar sem Hörður Árnason er að leggja skóna á hilluna. Felix Örn Friðriksson vinstri bakvörður ÍBV og Rúnar Þór Sigurgeirsson bakvörður Keflvíkinga hafa verið orðaðir við félagið. Helgi Guðjónsson, framherji Fram, og Halldór Orri Björnsson hjá FH eru á óskalista HK.

ÍA: Hinn ungi og efnilegi Jón Gísli Eyland Sveinsson gæti farið út í atvinnumennsku og spænski framherjinn Gonzalo Zamorano er líklega á förum. ÍA er eitt af þeim félögum sem vilja fá framherjann Helga Guðjónsson frá Fram. Vinstri bakvörðurinn Þór Llorens Þórðarson, verður líklega með ÍA næsta sumar eftir að hafa verið á láni hjá Selfyssingum í sumar.

Valur: Ólafur Jóhannesson heldur ekki áfram sem þjálfari Vals. Heimir Guðjónsson og Ágúst Gylfason hafa báðir verið orðaðir við stöðuna. Sigurður Egill Lárusson er að renna út af samningi og er væntanlega á förum eftir sjö ár á Hlíðarenda. Birkir Heimisson, miðjumaður Heerenveen, gæti verið á heimleið og Valur hefur sýnt honum áhuga. Sindri Björnsson er samningslaus og á förum frá Val.

Víkingur R.: Helgi Guðjónsson, framherji Fram, er áfram á óskalista Víkings en félagið hefur haft lengi augastað á honum. Sigurður Egill Lárusson er einnig orðaður við uppeldisfélag sitt.

Fjölnir: Ólíklegt er að Albert Brynjar Ingason taki slaginn áfram með Fjölni í Pepsi Max-deildinni. Helgi Guðjónsson, framherji Fram, er sagður á óskalistanum. Þórir Guðjónsson, framherji Breiðabliks, vill fara aftur í Fjölni.

Grótta: Óvíst er hvort Óskar Hrafn Þorvaldsson haldi áfram sem þjálfari Gróttu eða ekki. Grótta vill halda Ástbirni Þórðarsyni sem er í láni frá KR og Halldóri Jóni Sigurði Þórðarsyni sem er í láni frá Víkingi R. Grótta vill einnig fá Stefán Árna Geirsson sem var í láni hjá Leikni frá KR í sumar.

Grindavík: Ekki hefur verið staðfest hvort Srdjan Tufegdzic haldi áfram sem þjálfari Grindavíkur. Ejub Purisevic gæti tekið við ef Túfa hættir. Miðvörðurinn Marc McAusland vill halda áfram í Pepsi Max-deildinni og vinstri bakvörðurinn Elias Tamburini gæti verið á förum sem og framherjinn Vladimir Tufegdzic. Miðvörðurinn Josip Zeba verður hins vegar líklega áfram í Grindavík.

ÍBV: Eyjamenn eru í þjálfaraleit. Ian Jeffs verður mögulega áfram í þjálfarateyminu en Andri Ólafsson er að taka við kvennaliði félagsins. Sigurvin Ólafsson, þjálfari KV, og Gregg Ryder, fráfarandi þjálfari Þórs, eru á meðal þeirra sem hafa verið orðaðir við þjálfarastöðuna hjá ÍBV.

Pepsi Max-deild kvenna:

Valur: Fanndís Friðriksdóttir gæti farið aftur út fyrir landsteinana í atvinnumennsku. Íslandsmeistararnir vilja fá Örnu Eiríksdóttir frá HK/Víkingum en systur hennar Hlín og Málfríður leika með Val. Valur vill líka fá Ídu Marín Hermannsdóttur frá Fylki. Leikmenn eins og Stefanía Ragnarsdóttir og Ólöf Sigríður Kristinsdóttir gætu viljað færa sig til að fá byrjunarliðsbolta.

Breiðablik: Berglind Björg Þorvaldsdóttir gæti reynt fyrir sér aftur í atvinnumennsku. Sveindís Jane Jónsdóttir, framherji Keflavíkur, gæti komið og fyllt hennar skarð. Blikar hafa áhuga á að fá Clöru Sigurðardóttur og Sigríði Láru Garðarsdóttur frá ÍBV. Líklegt er að markvörðurinn Berglind Hrund Jónasdóttir komi frá Stjörnunni.

Þór/KA: Donni er hættur eftir fjögur ár í þjálfarastólnum og nokkrir þjálfarar eru orðaðir við stöðuna. Páll Viðar Gíslason, fyrrum þjálfari Þórs og Magna er þar á meðal. Aðrar sögur segja að forráðamenn Þór/KA hafi áhuga á að fá Jóhann Kristinn Gunnarsson, þjálfara karlaliðs Völsungs, aftur í þjálfarastólinn. John Andrews, fráfarandi þjálfari kvennaliðs Völsungs, hefur lika verið nefndur til sögunnar. Lykilmenn vilja bíða með að taka ákvörðun um framtíð sína þangað til að samið verður við nýjan þjálfara. Mexíkóarnir öflugu Sandra Mayor og Bianca Sierra eru líklega á leið burt. Þór/KA hefur áhuga á Murielle Tiernan, framherja Tindastóls, og markahæsta leikmanni Inkasso-deildarinnar.

Stjarnan: Kristján Guðmundsson heldur líklega áfram með Stjörnuna. Ef hann hættir þá gæti aðstoðarmaður hans Ólafur Brynjólfsson tekið við. Stjarnan vill fá Karólínu Jack og Evu Rut Ásþórsdóttur sem féllu með HK/Víkingum. Markvörðurinn Berglind Hrund Jónasdóttir er á förum.

Fylkir: Eva Rut er einnig á óskalistanum hjá Fylki.

ÍBV: Andri Ólafsson er að taka við þjálfun ÍBV. Eftir erfitt sumar gætu lykilmenn leitað annað. Þar á meðal eru Clara, Sigríður Lára og Kristín Erna Sigurlásdóttir.

Þróttur R. Vilja fá uppöldu stelpurnar aftur heim, Stefaníu Ragnarsdóttur frá Val og Sóley Maríu Steinarsdóttir úr Blikum.

FH: Vilja halda lánskonunni Birtu Georgsdóttur frá Stjörnunni.

Inkasso-deild karla:

Leiknir R.: Breiðhyltingar vilja halda lánsmönnunum Stefáni Árna Geirssyni og Hjalta Sigurðssyni frá KR. Daníel Snorri Guðlaugsson gæti komið frá Haukum.

Víkingur Ó.: Ejub Purisevic er líklega að kveðja Ólafsvíkinga eftir að hafa stýrt liði Víkings frá því árið 2003, að árinu 2009 til undanskildu. Enski kantmaðurinn Harley Willard hefur vakið áhuga hjá liðum í Pepsi Max-deildinni og í B-deildinni í Hollandi. Harley var markahæstur Ólafsvíkinga í Inkasso-deildinni í sumar. Gunnlaugur Hlynur Birgisson gæti komið aftur til Ólafsvíkinga frá Víkingi R.

Keflavík: Keflvíkingar vilja fá Stefán Alexander Ljubicic framherja Grindavíkur. Stefan Alexander er uppalinn hjá Keflavík en hann var í vara og unglingaliði Brighton áður en Grindavík
samdi við hann í sumar. Keflvíkingar eru sagðir hafa áhuga á að fá heimamennina Einar Orri Einarsson, Magnús Þóri Matthíasson og Daníel Gylfason aftur frá Kórdrengjum. Marc McAusland gæti komið aftur frá Grindavík ef hann fer ekki í Pepsi Max-deildina.

Þór: Þórsarar eru í þjálfaraleit en Gregg Ryder verður ekki áfram. Jóhann Kristinn Gunnarsson, þjálfari Völsungs, og Dragan Stojanovic, þjálfari Fjarðabyggðar hafa verið nefndir. Nikola, sonur Dragan, gæti verið á leið í Þór frá Fjarðabyggð. Nikola er miðjumaður en hann var í yngri flokkum Þórs. Jónas Björgvin Sigurbergsson og Orri Sigurjónsson gætu verið á förum. Jóhann Helgi Hannesson hefur verið að glíma við erfið höfuðmeiðsli og hann gæti þurft að taka pásu frá fótbolta.

Fram: Framherjinn Helgi Guðjónsson er samningslaus og á förum en félög í Pepsi Max-deildinni og neðri deildum á Norðurlöndunum hafa áhuga á honum. Markvörðurinn Ólafur Íshólm Ólafsson gæti komið frá Breiðabliki. Ólafur var á láni frá Breiðabliki fyrri hluta sumars. Guðjón Orri Sigurjónsson, markvörður Stjörnunnar, er einnig orðaður við Fram.

Afturelding: Arnar Hallsson heldur að öllum líkindum áfram sem þjálfari Aftureldingar.

Magni: Sveinn Þór Steingrímsson heldur áfram með Magna en hann hefur verið orðaður við þjálfarstöðu Þórs.

Þróttur R.: Þórhallur Siggeirsson heldur líklega áfram sem þjálfari Þróttar. Bjarni Páll Runólfsson og Sindri Scheving, sem voru úr láni frá Víkingi, verða líklega áfram. Gunnlaugur Fannar Guðmundsson, miðvörður Hauka, er orðaður við félagið.

Leiknir F.: Miðjumaðurinn reyndi Blazo Lalevic mun líklega leggja skóna á hilluna.

Vestri: Bjarni Jóhannsson heldur líklega áfram sem þjálfari. Miðjumennirnir Josh Signey og Páll Sindri Einarsson gætu verið á förum.

Inkasso-deild kvenna:

Keflavík: Eftir fall úr Pepsi Max-deildinni fara lykilmennirnir Sveindís Jane og Natasha Anasi líklega annað. Félög hafa einnig áhuga á tvíburunum Kötlu Maríu og Írisi Unu Þórðardætrum sem eru í U19 ára landsliðinu.

HK/Víkingur: Verið að skoða grundvöll fyrir áframhaldandi samstarfi. Miklar mannabreytingar framundan.

2. deild karla:

Haukar: Nýr þjálfari tekur við Haukum og Rafn Markús Vilbergsson, þjálfari Njarðvíkur hefur meðal annars verið orðaður við þjálfarastöðuna. Sean Da Silva verður sennilega ekki áfram hjá Haukum.

Selfoss: Dean Martin þjálfar Selfyssinga væntanlega áfram. Miðjumaðurinn öflugi Kenan Turudija er samningslaus og óvist er með framtið hans.

Þróttur Vogum: Úlfur Blandon er að hætta sem þjálfari Þróttar en hann er á leið í nám. Haraldur Freyr Guðmundsson, þjálfari Reynis í Sandgerði, og Gunnar Magnús Jónsson, þjálfari kvennaliðs Keflavíkur hafa verið orðaðir við stöðuna. Varnarmaðurinn reyndi Guðmundur Marteinn Hannesson hefur ákveðið að leggja skóna á hilluna.

Kórdrengir: Eftir að hafa farið upp tvö ár í röð stefna Kórdrengir á stóra hluti í 2. deildinni næsta sumar. Albert Brynjar Ingason, framherji Fjölnis og Guðjón Orri SIgurjónsson markvörður Stjörnunnar hafa verið orðaðir við félagið sem og miðjumaðurinn Jordan Damachoua hjá KF.

KF: Í Fjallabyggð er lagt kapp á að halda í Alexander Már Þorláksson sem skoraði 28 mörk í 3. deildinni í sumar. KF vill fá tvíburabróðir hans Indriða Áka í sínar raðir en hann spilaði með Kára síðari hluta sumars.

3. deild karla:

Einherji: Akim Armstrong þjálfar Einherja líklega ekki áfram. Jared Joleo Bennett og Javon Sample eru einnig á förum en líkt og Akim eru þeir frá Trinidad & Tobago.

Ægir: Nýliðar Ægis ætla að fá miðjumanninn Miroslav Babic frá Þrótti V.