2. deild kvenna: ÍR lagði Gróttu

ÍR vann Gróttu, 1-0, er liðin mættust í lokaumferð 2. deildar kvenna á Vivaldi-vellinum í kvöld.

Lovísa Guðrún Einarsdóttir skoraði eina mark leiksins á 71. mínútu en þessi sigur þýðir lítið fyrir ÍR-inga.

Grótta var búið að tryggja sæti sitt í Lengjudeildina fyrir leikinn og hafnar því í 2. sæti með 34 stig en ÍR situr í 3. sætinu með 32 stig.

Lokaumferðin í efri hlutanum klárast á morgun með tveimur leikjum en Fram spilar við Völsung á meðan ÍA mætir KH.