Fjölnir hafði betur gegn Selfossi í 32. liða úrslitum Mjólkurbikarsins í kvöld eftir mikinn baráttuleik. Fjölnismenn lenntu tvisvar undir í fyrri hálfleik en jafnt var með liðunum 2-2 í hálfleik. Jón Gísli Ström, varamaður tryggði sigurinn um miðjan síðari hálfleikinn.
Lestu um leikinn: Fjölnir 3 - 2 Selfoss
„Þetta var erfiður leikur. Að lenda tvisvar undir gegn sprækum Selfyssingum, þeir eru með hörku lið, duglegir strákar og stórhættulegir í föstum leikatriðum," sagði Ásmundur Arnarsson, þjálfari Fjölnis, eftir leikinn.
FJölnir hafði ekki unnið leik síðan í Lengjubikarnum þann 29. febrúar þegar liðið mætti Víkingi Ólafsvík og var þessi sigur því mjög kærkominn.
„Þessi leikur einkenndist mikið af því að það er stutt síðan síðasti deildarleikur var og það sást að menn voru fullþreyttir og ég er bara hæstánægður að ná sigri og sleppa við alvarleg meiðsli."
Viðtalið má sjá í heild sinni hér fyrir ofan
Athugasemdir