Brasilíska ungstirnið Deivid Washington til Chelsea (Staðfest)

Chelsea hefur gengið frá kaupum á brasilíska framherjanum Deivid Washington frá Santos fyrir um 17, 2 milljónir punda. Hann kyssti Chelsea merkið þegar hann var kynntur.

Þessi átján ára gamli leikmaður skrifaði undir sjö ára samning á Stamford Bridge en honum er lýst sem fjölhæfum sóknarmanni. Hann spilaði níu aðalliðsleiki fyrir Santos og skoraði tvö mörk.

Washington er níundi leikmaðurinn sem Chelsea kaupir í sumarglugganum.