Messi fór meiddur af velli í 2-1 sigrinum á Lyon fyrir fimm dögum og missti svo af leiknum gegn Metz.

Hann verður ekki í leikmannahópnum gegn Montpellier um helgina en gæti þó verið klár í slaginn þegar PSG mætir Manchester City í riðlakeppni Meistaradeildarinnar á þriðjudag.

„Messi byrjaði að hlaupa í dag. Við munum skoða hann áfram og vonandi verður hann betri. Á sunnudag getum við vonandi komið með jákvæðar fregnir. Við vonum að allt gangi vel og hann verður klár sem fyrst. Við erum að vonast eftir því að hann verði klár gegn Man City en við verðum samt að vera varkárir," sagði Mauricio Pochettino, þjálfari PSG.