Newcastle mætir á morgun Watford á heimavelli í ensku úrvalsdeildinni. Gengi Newcastle hefur ekki verið sérstakt í upphafi tímabilsins og eru margir stuðningsmenn ekki ánægðir með Steve Bruce, stjóra liðsins.

„Við erum allir í þessu fyrir úrslit og því miður hafa slík ekki náðst til þessa. Úrvalsdeildin er erfið og því fyrr sem úrslitin koma því betra. Vonandi náum við góðum úrslitum um helgina," sagði Bruce á fréttmannafundi í dag.