Nathaniel Clyne, varnarmaður Crystal Palace, hefur gert samning við félagið út þetta tímabil en þetta kemur fram í tilkynningu frá Palace á samfélagsmiðlum.
Enski hægri bakvörðurinn hefur átt í erfiðleikum með meiðsli síðustu ár og hrjáði það hann mikið er hann var á mála hjá Liverpool.
Samningur hans hjá Liverpool rann út síðasta sumar en Roy Hodgson, stjóri Palace, ákvað að gefa honum tækifæri á því að koma sér aftur á skrið.
Það hefur gengið vel fyrir sig og hefur Clyne spilað 10 leiki í deild- og bikar með Palace en samningur hans átti að renna út seinna í þessum mánuði.
Hann hefur nú framlengt við félagið út þetta tímabil en staðan verður endurmetin eftir leiktíðina.
Athugasemdir