Samningur Nketiah við Arsenal rennur út eftir mánuð en hann hafði ekki í hug að framlengja samninginn.

Þessi 22 ára gamli framherji hefur verið á mála hjá Arsenal í sjö ár og var útlit fyrir að hann myndi yfirgefa félagið í sumar. Crystal Palace var talinn vera líklegasti áfangastaðurinn en nú er staðan önnur.

Athletic greinir nú frá því að hann ætli sér að vera áfram í herbúðum Arsenal og sé nálægt því að skrifa undir nýjan fimm ára samning.

Nketiah braut sér leið inn í byrjunarliðið undir lok tímabils og skoraði fimm mörk í síðustu sjö úrvalsdeildarleikjum liðsins.

Hann hefur skorað 23 mörk í 92 leikjum með félaginu á ferlinum en tíu af þessum mörkum komu á þessu tímabili.