Erin Amy Longsden er gengin til liðs við Keflavík frá Curzon Ashton á Englandi.
Erin er fædd árið 1998 og spilar stöðu sóknarmanns en hún er fædd og uppalin í Manchester á Englandi.
Hún hefur áður spilað fyrir Missisippi Gulf Community-skólann í Bandaríkjunum þar sem hún raðaði inn mörkunum áður en hún hélt aftur til Englands.
Erin var síðast á mála hjá Curzon Ashton í ensku D-deildinni en er nú mætt til Keflavíkur.
Keflavík situr í 7. sæti Bestu deildarinnar með 10 stig en næsti leikur liðsins er gegn Breiðabliki þann 4. ágúst.
Athugasemdir