Ridvan Yilmaz er sjöundi leikmaðurinn sem Rangers fær til sín í sumar.
Skoska stórveldið borgar 5 milljónir punda fyrir Yilmaz sem er tyrkneskur vinstri bakvörður.
Yilmaz er 21 árs gamall og á sex landsleiki að baki fyrir Tyrkland. Hann var lykilmaður í liði Besiktas á síðustu leiktíð og er fenginn til Skotlands til að fylla í skarðið sem Calvin Bassey skilur eftir sig með félagsskiptunum til Ajax.
Rangers vann kapphlaup við nokkur önnur félög um bakvörðinn sem hefur miklar mætur á Giovanni van Bronckhorst og er spenntur fyrir áformum hans hjá Rangers.
John Souttar, Antonio Colak, Rabbi Matondo, Malik Tillman, Tom Lawrence og Ben Davies eru þegar komnir til Rangers í sumar auk Yilmaz.
Athugasemdir
