Segja Chelsea vera að krækja í þjálfara frá Villa

Unai Emery stjóri og lærlingar hans í Aston Villa hafa verið duglegir við að hrósa MacPhee í viðtölum í gegnum tíðina, enda náði Villa frábærum árangri úr föstum leikatriðum á síðustu leiktíð og hefur MacPhee skiljanlega vakið áhuga hinna ýmsu stórvelda.

Hann hefur verið partur af þjálfarateyminu í Birmingham síðastliðin fimm ár og virðist vera spenntur fyrir að reyna fyrir sér á nýjum stað.

MacPhee er 46 ára Skoti og starfar einnig við að þjálfa föstu leikatriðin hjá portúgalska landsliðinu. Þar áður starfaði hann meðal annars hjá skoska landsliðinu, norður-írska landsliðinu og Hearts.