Bestur í 2. deild: Frábær í endurkomu sigri

Þróttur Vogum vann heldur betur góðan endurkomusigur gegn grönnum sínum í Víði Garði fyrir rúmri viku síðan. Alexander Helgason reyndist hetja Þróttara í þeim leik, skoraði tvö mörk og það seinna reyndist sigurmark leiksins sem endaði 3-2.

Alexander var fyrir frammistöðu sína valinn ICE-leikmaður umferðarinnar í 2. deild karla. Það voru þeir Óskar Smári Haraldsson og Sverrir Mar Smárason sem völdu Alexander í hlaðvarpsþættinum Ástríðan. Hlusta má á nýjustu þætti Ástríðunnar hér neðst í fréttinni. Umferðin var sú 11. í röðinni en sú 9. ef leiknar umferðar eru taldar.

„Fyrir valinu í 11. umferð var miðjumaður Þróttar Vogum, Alexander Helgason. Alexander er uppalinn í Haukum og fæddur árið [1994]," sagði Sverrir Mar.

„Frábær í 'comeback' sigrinum og skoraði sigurmarkið á 88. mínútu." sagði Óskar Smári.

Ásamt því að hafa leikið með Haukum og Þrótti Vogum hefur Alexander leikið með Njarðvík á ferli sínum. Alexander hefur skorað fjögur mörk í níu deildarleikjum í sumar.