Vill koma Wednesday aftur í topp 10

Fjárfestunum tókst að koma í veg fyrir 15 stiga frádrátt og er liðið í sjöunda sæti League One deildarinnar, sem er sú þriðja efsta á Englandi, með 18 stig eftir 10 umferðir.

Bruce, sem var áður partur af stjórn Sunderland, hefur mikla trú á Wednesday sem fótboltafélagi og vill gera það að topp 10 félagi á Englandi á nýjan leik - líkt og stjórnendum Sunderland tókst þar á bæ.

Wednesday var sterkt úrvalsdeildarlið á árunum sem Bruce ólst upp og vann deildabikarinn 1991. Liðið endaði svo í öðru sæti í deildabikarnum og FA bikarnum tveimur árum síðar.

„Sheffield Wednesday var topp 10 félag á Englandi og getur orðið það aftur, þetta félag getur skotist upp eins og geimflaug. Eitt af því fyrsta sem Simon Wilson (nýr yfirmaður fótboltamála) sagði við mig í starfsviðtalinu var að þetta félag er sofandi risi, og hann hefur rétt fyrir sér," segir Bruce.

„Við þurfum að gera hlutina rétt til þess að ná árangri og við áttum okkur á því að þetta er frábært tækifæri. Ég get ekki hugsað um betra tækifæri annars staðar í Evrópu.

„Þetta verður ekki auðvelt, það munu koma erfiðir kaflar, en vegferðin verður mjög skemmtileg. Við erum með háleit markmið."