Maradona lést í dag, sextíu ára að aldri. Hann fékk hjartaáfall á heimili sínu. Maradona er einn besti fótboltamaður sem hefur spilað leikinn fallega. Hann er að margra mati sá allra besti. Hann hjálpaði Argentínu að vinna HM 1986, á móti þar sem hann sýndi sínar allra bestu hliðar.

Hann er einn besti leikmaður í sögu Napoli og líklega sá mikilvægasti. Hann hjálpaði liðinu að vinna sína einu úrvalsdeildartitla á Ítalíu 1987 og 1990. Þá fór hann fyrir liðinu í sigri í Evrópubikarnum 1989.

Það ríkir mikil sorg í ítölsku borginni Napoli en félagið ætlar að breyta nafninu á leikvangi sínum.

Nýtt nafn verður Diego Armando Maradona/San Paolo. Það er unnið að því núna að breyta nafninu.