Enski dómarinn Mike Dean er núna byrjaður að tjá sig um störf dómara á HM.
Í samtali við Daily Mail segir hann að stór mistök hafi verið gerð í gær þegar Portúgal og Gana áttust við. Portúgal vann 3-2 sigur en fyrsta mark þeirra kom úr vítaspyrnu.
Ganverjar voru ósáttir við dóminn og er Dean sammála þeirri gagnrýni.
„Að mínu mati á VAR, myndbandsdómarinn, að segja við dómara leiksins að fara í skjáinn og skoða atvikið. Ég er mjög hissa á þessu," sagði Dean.
„Ég vil alltaf standa við bakið á dómurunum en þú getur ekki verið sammála þessu. Þú getur ekki varið það sem er í raun óafsakanlegt. Ég skil ekki af hverju hann fór ekki í skjáinn. Þetta er 100 prósent rangt."
Athugasemdir
