Selfoss vann sinn fyrsta leik í Fótbolta.net mótinu þegar liðið mætti Víkingi Ólafsvík í Akraneshöllinni í dag.

Bæði lið voru stigalaus fyrir leikinn, en það voru Selfyssingar sem fóru með sigur af hólmi. Valdimar Jóhannsson, Kenan Turudija, Þór Llorens Þórðarson og Brynjólfur Þór Eyþórsson voru á skotskónum fyrir Selfoss í 4-1 sigri.

Það er þar með ljóst að Selfoss endar í þriðja sæti í riðli 1 í B-deild. Liðið leikur því um fimmta sætið gegn Haukum.

Ólsarar enda í neðsta sæti riðilsins án stiga og mæta því Vestra í leiknum um sjöunda sætið í B-deildinni.