Hin hliðin - Hinrik Harðarson (Þróttur R.)

Fullt nafn: Hinrik Harðarson

Gælunafn: Er kallaður Hiddi af mínum nánustu vinum oft

Aldur: 18 ára

Hjúskaparstaða: lausu

Hvenær lékstu þinn fyrsta leik með meistaraflokki: 2021 minnir mig í RVK mótinu gegn ÍR, Laugi og Jenni að þjálfa.

Uppáhalds drykkur: Mér finnst ísköld mjólk helvíti góð

Uppáhalds matsölustaður: Ætla henda Matstöðinni bara í þetta því þar fær maður alvöru mat og mikið magn af honum

Hvernig bíl áttu: Á því miður ekki bíl, hef lengi viljað bíl en alltaf lokað á þá hugmynd heima fyrir

Uppáhalds sjónvarpsþáttur: seinfeld

Uppáhalds tónlistarmaður: 50 cent.

Uppáhalds hlaðvarp: Joe rogan poddið er skemmtilegt og doccarinn einnig

Fyndnasti Íslendingurinn: Magnús Ólafsson, afi er skemmtilegur.

Hvernig hljómar síðasta sms sem þú fékkst: ”hahahq helviti ertu jolly”

Hvaða liði myndir þú aldrei spila með: Ég ætla segja ÍR, því miður fyrir þá.

Besti leikmaður sem þú hefur mætt: Ég spilaði aðeins við Eið Aron sumarið sem við féllum, hann er seigur.

Besti þjálfarinn sem hefur þjálfað þig: Þórður Einarsson, Doddi er mjög góður

Mest óþolandi leikmaður sem þú hefur mætt: Ég ætla ekkert að fara gefa það upp, það gefur þeim bara blóð á gömlu góðu tennurnar.

Hver var fyrirmyndin þín í­ æsku: Cristiano Ronaldo í Real Madrid og Suarez

Sætasti sigurinn: Selfoss 2021 away.

Mestu vonbrigðin: Það voru vonbrigði að falla 2021

Uppáhalds lið í enska: Liverpool

Ef þú fengir að velja einn leikmann úr öðru íslensku liði í þitt lið: Skal taka við Jasoni Daða, hann ætti að geta matað mig eitthvað.

Efnilegasti knattspyrnumaður/kona landsins: Kári Kristjánsson verður nýi gerrard

Fallegasti knattspyrnumaðurinn á Íslandi: Eiríkur Blöndal er ótrúlegur einnig nóg til þar á bæ.

Fallegasta knattspyrnukonan á Íslandi: Sara Björk

Besti knattspyrnumaðurinn frá upphafi: Mohamed Salah, skoðið tölurnar.

Hver er mesti höstlerinn í­ liðinu: Njörður Þórhalls er galinn, hef þurft að stíga inn í þar oftar enn einu sinni.

Uppáhalds staður á Íslandi: Úði og gott gras, skiptir ekki máli hvar.

Segðu okkur frá skemmtilegu atviki sem gerst hefur í leik: Fara úr treyjunni á gulu spjaldi var athyglisvert hjá mér

Ertu með einhverja hjátrú tengda fótbolta: Hef ekkert verið í þeim pakka

Fyrir utan knattspyrnu, fylgist þú með öðrum íþróttum: Já ég fylgist með flestum íþróttum en horfi litið á annað en fótbolta, reyndar verið að detta inn í MMA undanfarið.

Í hvernig fótboltaskóm spilar þú: Er í nike mercurial held ég að þetta heiti.

Í hverju varstu/ertu lélegastur í­ skóla: Ég er eins og belja á svelli í stærðfræðinni

Vandræðalegasta augnablik: Ég klúðraði einhverju ótrúlegasta færi allra tíma þegar ég var í 3. flokki að spila með 2. flokki gegn Stjörnunni. Ég er enn að ná mér eftir það.

Hvaða þrjá leikmenn tækir þú með þér á eyðieyju og af hverju: Tæki með mér Oliver Ekroth, Gummi Kri og Kostiantyn Pikul. Þarf að hafa fullvaxta karldýrsskepnur sem koma mér af þessari eyju.

Sturluð staðreynd um sjálfan þig: Bjó á Spani í eitt ár og tala ágæta spænsku

Hvaða samherji hefur komið þér mest á óvart eftir að þú kynntist honum og af hverju: Verð að segja Franz Sigurjóns hefur komið á óvart eftir að hann kom í dalinn, þvælan sem kemur útúr honum er oft á tíðum átakanleg.

Hverju laugstu síðast: Ég segi oftast hlutina bara eins og þeir liggja en líklega að hundurinn hafi skitið þegar ég var með hann í göngutúr við mömmu einhvern tíman.

Hvað er leiðinlegast að gera á æfingum: það er tvennt, það eru marathon upphitanir og dull sendinga æfingar.

Ef þú fengir eina spurningu til að spyrja hvern sem er: Hver yrði spurningin og hvern myndiru spyrja: Myndi taka fund með FSG og spyrja vinalega hvers vegna það er ekki búið að staðgreiða Hey Jude Bellingham.