Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   þri 26. maí 2020 20:32
Brynjar Ingi Erluson
Eigendaskipti Newcastle í hættu
Mohammed Bin Salman
Mohammed Bin Salman
Mynd: Getty Images
Newcastle United
Newcastle United
Mynd: Getty Images
Jamal Khasoggi (t.v.) var myrtur í Tyrklandi og er Bin Salman talinn bera ábyrgð á morðinu
Jamal Khasoggi (t.v.) var myrtur í Tyrklandi og er Bin Salman talinn bera ábyrgð á morðinu
Mynd: Hatice Cengiz / Google
Stjórnarmenn ensku úrvalsdeildarinnar standa nú frammi fyrir erfiðri ákvörðun eftir úrskurð alþjóðlegu viðskiptastofnuninnar í dag en úrskurðinn setur eigendaskipti Newcastle í hættu. Þetta kemur fram í Guardian í dag.

Krónprinsinn frá Sádi Arabíu, Mohamed Bin Salman, fer fyrir hópi fjárfesta sem standa að kaupum á enska úrvalsdeildarfélaginu Newcastle en kaupverðið er talið nema um 300 milljónum punda.

Það var útlit fyrir að enska úrvalsdeildin myndi heimila kaupin þrátt fyrir að hafa borist ábendingar um starfshætti Bin Salman en talið er að hann hafi skipulagt morðið á hinum afar virta blaðamanni, Jamal Khasoggi.

Þá hafa rannsóknir Sameinuðu þjóðanna og bandarísku leyniþjónustunnar CIA leitt í ljós að Salman ber ábyrgð á morði Jamal Khashoggi, fréttamanni Washington Post, í sendiráði Sádí-Arabíu í Tyrklandi í desember 2018.

Að minnsta kosti tíu mannréttindasamtök hafa bent á slæm mannréttindabrot í Sádi Arabíu og er nú útlit fyrir að honum verður meinað að kaupa Newcastle.

FIFA, UEFA, enska úrvalsdeildin, spænska deildin og fleiri samtök hafa ítrekað kvartað til WTO (Alþjóðaviðskiptastofnunin) vegna streymisveitunnar og mun úrskurður endanlega liggja fyrir um miðjan júní

Alþjóðaviðskiptastofnunin gerði 130 blaðsíðna skýrslu um málið sem verður ekki birt fyrr en um miðjan júní. Samkvæmt frétt Guardian kemur skýrt fram í skýrslunni að enginn annar en ríkisstjórn Sádí-Arabíu geti borið ábyrgð á streymiþjónustunni ólöglegu.

Í skýrslunni kemur meðal annars fram að útsendingar beoutQ komu frá Arabsat gervihnettinum, sem er í meirihlutaeigu sádí-arabíska ríkisins.

Sádi-Arabía hefur haldið því fram til þessa að BeoutQ eigi rætur sínar að rekja til Kúbu eða Kólumbíu.

Bin Salman ásamt fjárfestingasjóði Sádi Arabíu mun eignast 80 prósent hlut í Newcastle ef það verður af skiptunum en það er óhætt að segja að það þykir afar ólíklegt eins og staðan er í dag.
Athugasemdir
banner
banner
banner
banner