Nottingham Forest var sofandi risi sem er vaknaður

Robert Earnshaw fyrrum leikmaður liðsins er bjartsýnn og vonar að liðið vinni sér sæti í úrvalsdeildinni á næstu leiktíð. Liðið hefur verið í næst efstu deild frá 2001 og ekki komist í umspilið síðan tímabilið 2009/10 en þá lék Earnshaw með liðinu.

„Það er ótrúlegt andrúmsloft í þessu félagi. Ég var þarna síðast þegar við fundum þessa orku síðast, við vorum í umspilinu tvisvar. Þetta er risa félag, það vita það allir. Þetta hefur verið sofandi risi en hann vaknaði á þessari leiktíð,"

„Með mikilli vinnusemi geta þeir komist upp í úrvalsdeild, þar sem þeir eiga að vera, stuðningsmennirnir eiga það skiliði, magnaðir stuðningsmenn um allan heim."

Forest endaði í 4. sæti deildarinnar, tveimur stigum á eftir Huddersfield.