Gunnar Jónas Hauksson mun leika fyrir Vestra út tímabilið. Hann kemur að láni frá Gróttu en hann spilaði ellefu leiki fyrir Vestra í 2. deild í fyrra.
Hann lék einnig sex leiki með Gróttu í Inkasso-deildinni í fyrra og verður áhugavert að fylgjast með honum hjá Vestra.
Gunnar Jónas er miðjumaður fæddur 1999 og hefur verið mikilvægur hlekkur í liði Vestra.
„Gunnar spilaði stórt hlutverk hjá okkur á síðustu leiktíð þegar við tryggðum okkur upp og er þetta því mikið fagnaðarefni!" segir í yfirlýsingu frá Vestra.
Athugasemdir
