Fotbolti.net
26.07.22 - 16:36
Guðmundur Aðalsteinn Ásgeirsson
Ítalska deildin

Ramsey fær samningi sínum hjá Juventus rift (Staðfest)

Aaron Ramsey.

Aaron Ramsey.

Canon

Mynd: Getty Images

Miðjumaðurinn Aaron Ramsey hefur komist að samkomulagi við Juventus um riftun á samningi.
Samningur hans átti að renna út á næsta ári, en leikmaðurinn komst að samkomulagi um riftun.

Ramsey skrifaði undir fjögurra ára samning við Juventus árið 2019 er hann kom til félagsins á frjálsri sölu. Hann fékk vel borgað í Tórínó en spilaði ekki mikið. Meiðsli settu ákveðið strik í reikninginn hjá honum.

Hann var lánaður til Rangers í Skotlandi í janúar á þessu ári en var ekki í mikilvægu hlutverki.

Ferill hins 31 árs gamla Ramsey hefur verið á mikilli niðurleið síðustu ár en hann ætlar að finna sér nýtt félag í sumar svo hann geti farið í fantaformi með Wales á HM næsta vetur.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.