Malen, Maguire, Rashford, Greenwood, Yoro, Eriksen og fleiri góðir í slúðri dagsins
   lau 26. september 2020 09:20
Ívan Guðjón Baldursson
Gabriel Jesus verður frá í nokkrar vikur - Aguero líka á meiðslalistanum
Jesus er að glíma við smávægileg vöðvameiðsli.
Jesus er að glíma við smávægileg vöðvameiðsli.
Mynd: Getty Images
Manchester City verður án sóknarmanna næstu vikurnar þar sem Gabriel Jesus verður frá í nokkrar vikur á meðan Sergio Agüero er enn að ná sér af hnémeiðslum.

Jesus verður ekki klár í slaginn fyrr en eftir næsta landsleikjahlé og því þurfa sóknarsinnaðir miðjumenn Man City á borð við Kevin De Bruyne og Raheem Sterling að stíga upp.

Jesus verður ekki með brasilíska landsliðinu í næsta landsleikjahléi eftir að hafa meiðst í 3-1 sigri City gegn Wolves síðasta mánudag. Matheus Cunha hefur verið kallaður upp í brasilíska landsliðshópinn í hans stað.

Jesus, sem skoraði í sigrinum gegn Wolves, var ekki í hópi City í sigrinum gegn Bournemouth í enska deildabikarnum á fimmtudaginn.

City á næst leik gegn Leicester á morgun. Guardiola segist aðeins vera með 13 spræka leikmenn í leikmannahópi sínum fyrir leikinn, þar sem menn á borð við Bernardo Silva, Ilkay Gundogan, Joao Cancelo og Aymeric Laporte eru fjarri góðu gamni.
Athugasemdir
banner
banner
banner
banner