Jurgen Klopp, stjóri Liverpool, segist ekki hafa áttað sig á því hversu mikilvægt það er að vera fyrirliði. Hann segist hafa gert mistök með því að gera Divock Origi ekki að fyrirliða í leiknum.

„Ég var lengi vel fyrirliði á mínum leikmannaferli... ég áttaði mig ekki á því hversu mikilvægt það er fyrir leikmenn og hversu stór saga það væri fyrir Trent," sagði Klopp en Alexander-Arnold var fyrirliði í leiknum.



„Við erum í raun með fjóra fyrirliða; Jordan Henderson, James Milner, Virgil van Dijk og Gini Wijnaldum. Ef þeir spila ekki, þá er það vanalega leikmaðurinn sem hefur verið lengst hjá félaginu sem fær fyrirliðabandið. Ég hélt að það væri Trent. Ég er þá bara að tala um atvinnumannaferilinn. Svo sagði mér einhver að það hefði átt að vera Divock Origi ef við erum að byggja á því."

„Ég talaði við Mo um þetta. Hann fór í viðtal, en það er ekki vandamál fyrir mig. Hann var augljóslega vonsvikinn og það var ekki ætlun mín, en ef ég gerði einhver mistök þá var það að gera Origi ekki að fyrirliða."

Klopp sér ekki ástæðu fyrir því að Salah vilji yfirgefa Liverpool. „Eina ástæðan til að yfirgefa Liverpool núna er veðrið. Hvaða aðrar ástæður gætu verið fyrir því? Þetta er eitt stærsta félag í heimi," sagði Þjóðverjinn og bætti því við að hann gæti ekki neytt Salah eða aðra leikmenn til að vera áfram ef þeir vilja ekki vera hjá félaginu.

Liverpool er á toppi ensku úrvalsdeildarinnar en liðið á leik gegn West Brom á morgun.