Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
banner
   fim 27. janúar 2022 06:00
Brynjar Ingi Erluson
Reyndi að smygla skammbyssu inn á völlinn
Nicolas Schiappacasse er í veseni
Nicolas Schiappacasse er í veseni
Mynd: EPA
Nicolás Schiappacasse, leikmaður Penarol í Úrúgvæ, var handtekinn fyrir að reyna að smygla skammbyssu inn á völlinn fyrir leik liðsins við Nacional í gær.

Schiappacasse er 23 ára gamall framherji og er á láni hjá Penarol frá ítalska félaginu Sassuolo.

Penarol mætti Nacional í æfingaleik í gær en var án Schiappacasse sem var stöðvaður á leið sinni inn á völlinn og handtekinn fyrir að bera ólöglegt vopn.

Hann var með níu millimetra skammbyssu í farteskinu og reyndi að smygla henni með sér inn á völlinn en hann bar fyrir sig að byssan væri ætluð stuðningsmanni liðsins.

Lögreglan fann einnig ólöglegar pillur í bílnum hans en Schiappacasse verður í gæsluvarðhaldi út í daginn í dag áður en ákvörðun verður tekin um framhaldið.
Athugasemdir
banner
banner
banner
banner