Manchester City 2 - 1 West Ham
1-0 Ruben Dias('30)
1-1 Michail Antonio('43)
2-1 John Stones('68)

Það voru tveir varnarmenn sem reyndust hetjur Manchester City í dag er liðið spilaði við West Ham á heimavelli sínum, Etihad.

Man City hefur verið óstöðvandi á síðustu vikum en mætti West Ham sem er til alls líklegt. Liðin voru í efsta og fjórða sæti deildarinnar.

Fyrsta mark leiksins skoraði Ruben Dias fyrir heimaliðið í dag en hann skallaði knöttinn í netið á 30. mínútu eftir sendingu Kevin de Bruyne.

Á markamínútunni, 43, þá tókst West Ham hins vegar að jafna og það gerði sóknarmaðurinn Michail Antonio.

Antonio hafði fengið fínt færi skömmu áður og skaut í stöng en nýtti seinna færi sitt til að jafna leikinn fyrir David Moyes og félaga.

Það var svo á 68. mínútu seinni hálfleiks sem sigurmarkið kom og það gerði hinn miðvörður Man City, John Stones eftir sendingu frá Riyad Mahrez.

Mark Stones tryggði bláliðum sigur og er liðið nú með 13 stiga forskot á toppi deildarinnar með níu fingur á titlinum.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit