Juraj fagnar marki með KA í fyrra.
Keflavík hefur fengið góðan liðsstyrk fyrir Inkasso-deildina í sumar en félagið hefur gert eins árs samning við króatíska kant og miðjumanninn Juraj Grizelj.
Juraj hefur verið án félags síðan hann yfirgaf herbúðir KA eftir að hafa hjálpað liðinu að vinna Inkasso-deildina í fyrra.
Juraj hefur verið án félags síðan hann yfirgaf herbúðir KA eftir að hafa hjálpað liðinu að vinna Inkasso-deildina í fyrra.
„Ég er eins og alltaf ánægður með að skrifa undir hjá metnaðarfullu félagi," sagði Juraj við Fótbolta.net í dag.
„Það er markmið liðsins að enda á toppi deildarinnar og það er líka markmið mitt."
Juraj skoraði fimm mörk í 21 leik með KA í fyrra en hann var þá að leika annað tímabil sitt á Akureyri.
Hinn þrítugi Juraj lék áður með Grindavík en hann skoraði átta mörk í 1. deildinni árið 2014 og tíu mörk árið áður.
Komnir:
Aron Elís Árnason frá Noregi
Jeppe Hansen frá KR
Juraj Grizelj frá KA
Marko Nikolic frá Hugin
Farnir:
Axel Kári Vignisson í ÍR
Bojan Stefán Ljubicic í Fjölni
Craid Reid
Guðmundur Magnússon í Fram
Haraldur Freyr Guðmundsson hættur
Magnús Sverrir Þorsteinsson
Magnús Þórir Matthíasson í Víði Garði
Stuart Carswell
Athugasemdir
