Spá þjálfara í 2. deild: 10. sæti

Spáin:
1.
2.
3.
4.
5.
6.
7.
8.
9.
10. KV, 42 stig
11. KF, 32 stig
12. KFG, 19 stig

Lokastaða í fyrra: KV hefur verið mikilli uppleið síðustu árin, eða allavega fyrir tímabilið í fyrra. KV tókst að komast alla leið upp í Lengjudeildina en það var kannski aðeins of stórt verkefni á endanum. Liðið gaf þó allt sitt í verkefnið og endaði með 18 stig í ellefta sæti deildarinnar.

Þjálfarinn: Hjörvar Ólafsson hefur verið ráðinn sem þjálfari KV og stýrir liðinu í sumar. Sigurvin Ólafsson hætti með KV snemma á síðasta tímabili og fór yfir í FH, en undir hans stjórn var KV búið að gera frábæra hluti. Sigurður Víðisson tók við liðinu þá en hann verður ekki áfram. Hjörvar er mættur inn en hann hefur verið að þjálfa í yngri flokkum KR og hefur áður þjálfað KV. Hann þekkir því félagið mjög vel.

Álit Ástríðunnar
Hlaðvarpsþátturinn Ástríðan er leiðandi í umfjöllun um 2. deild. Þáttarstjórnendur gefa sitt álit á liðunum fyrir mót.

Um KV segja þeir: Jahá. Árið 2023 hafa 34 leikmenn gert félagsskipti í KV. Þeir átta leikmenn sem spiluðu flestar mínútur fyrir KV í fyrra eru farnir í önnur lið. Gunnar Helgi er sá eini sem spilaði meira en 50% af mínútum í fyrra sem er enn skráður í KV. Liðið mætir með glænýtt lið til leiks og eru algjört spurningamerki. Þrátt fyrir það er þessi spá galin því leikmannahópurinn er alltof góður til að lenda í 10. sæti.

Styrkleikar: Þetta félag er nú orðið öllu vant. Þeir hafa sveiflast á milli deilda eins og enginn væri morgundagurinn. Það að þurfa nú að byggja upp nýtt lið nánast frá grunni hefur engin áhrif á þá. Þeir hafa reynslubolta í liðinu sem hafa verið þarna í nokkur ár. En umfram allt er þessi leikmannahópur stútfullur af gæðum.

Veikleikar: Þeir hafa fengið marga leikmenn frá KR og nú er spurning hvort eigi að auka samstarfið á milli KR og KV. Það er alltaf ákveðið ferli og hefur sagan sýnt að það gengur ekki alltaf snurðulaust fyrir sig. Ef það er planið gæti þetta tímabil verið ákveðið uppbyggingartímabil þar sem ungir leikmenn fá reynslu í meistaraflokki.

Lykilmenn: Askur Jóhannsson, Ingólfur Sigurðsson og Sölvi Björnsson (ef hann verður með á fullu).

Gaman að fylgjast með: Sigurpáll Sören Viggósson er efnilegur markvörður sem hefur verið í hópum hjá yngri landsliðum Íslands.

Komnir
Andi Morina frá Þrótti V. (á láni)
Aron Bjarni Arnórsson frá KR (á láni)
Aron Skúli Brynjarsson frá Haukum
Ásgrímur Daníel Víðisson frá KR (á láni)
Baldur Jónsson frá Danmörku
Björn Henry Kristjánsson frá KR
Dagur Bjarkason frá KR (á láni)
Eiður Snorri Bjarnason frá KR
Freyr Þrastarson frá KR
Guðmundur Ísak Bóasson frá Þrótti R.
Gunnar Hrafn Pálsson frá Gróttu (á láni)
Gunnar Magnús Gunnarsson frá KR (á láni)
Hannes Ísberg Gunnarsson frá Gróttu (á láni)
Jóhannes Sakda Ragnarsson frá Kríu
Jón Ívar Þórólfsson frá KR (á láni)
Kári Eydal frá Gróttu (á láni)
Kormákur Pétur Ágústsson frá KR (á láni)
Marinó Tómasson frá KR
Orri Fannar Þórisson frá Kríu
Óðinn Bjarkason frá KR (á láni)
Patrik Thor Pétursson frá KR (á láni)
Róbert Laufdal Arnarsson frá KR
Róbert Logi Jónsson frá KR
Rökkvi Rafn Agnesarson frá Stjörnunni
Sergio Herrero Medina frá KR
Snorri Bjarkason frá KR
Sólvin Tómasson frá KR
Sölvi Björnsson frá Gróttu
Vilhelm Bjarki Viðarsson frá Kríu

Farnir
Bele Alomerovic í Val (var á láni)
Grímur Ingi Jakobsson í Gróttu
Haraldur Ingi Ólafsson í Kríu
Hrafn Tómasson í KR (var á láni)
Hreinn Ingi Örnólfsson í Þrótt V.
Magnús Snær Dagbjartsson í Þrótt V.
Njörður Þórhallsson í Þrótt R.
Oddur Ingi Bjarnason í KR (var á láni)
Ómar Castaldo Einarsson í Þór
Patryk Hryniewicki í Leikni R. (var á láni)
Rúrik Gunnarsson í KR (var á láni)
Samúel Már Kristinsson í Fjölni
Stefán Orri Hákonarson í KR
Styrmir Máni Kárason í Hauka
Valdimar Daði Sævarsson í Þór
Þorsteinn Örn Bernharðsson í Njarðvík

Þjálfarinn segir - Hjörvar Ólafsson
„Við erum mjög spenntir fyrir því að deildin byrji eftir langan vetur. Það hefur tekist að byggja upp öflugan hóp með ungum og spennandi leikmönnum í bland við reynslumeiri leikmenn sem hafa verið í félaginu í langan tíma."

„Þegar við fórum af stað á tímabilinu vorum við með töluvert marga leikmenn sem voru að spila sína fyrstu leiki í meistaraflokksfótbolta og það hefur verið stígandi í leik liðsins á undirbúningstímabilinu að mínu mati."

„Eins og áður þá rennum við svolítið blint í sjóinn inn í þessa deild. Það er svolítið erfitt að átta sig á því hvar við stöndum þar sem við höfum ekki mátað okkur við liðin sem verða í deildinni."

„Okkar markmið er að vera í efri helmingi deildarinnar en félagið á að okkar áliti best heima í þessari deild sé tekið mið af leikmannahópnum og umgjörð í kringum liðið. Svo bara tökum við stöðuna þegar inn í mótið er komið."

„Við höfum bætt við okkur sterkum leikmönnum á láni síðustu vikurnar og þeir leikmenn hafa smollið eins og flís við rass inn í hópinn. Það er góð stemning í félaginu líkt og ávallt hefur verið og Vesturbærinn hlakkar til að byrja veisluna. Við hlökkum mikið til þess að taka á móti okkar fólki á Auto Park og svo sækja liðin utan af landi heim sem og andstæðinga okkar af höfuðborgarsvæðinu."

Fyrstu þrír leikir KV:
6. maí, KFG - KV (Samsungvöllurinn)
13. maí, KV - Haukar (Auto Park)
20. maí, KFA - KV (Fjarðabyggðarhöllin)