Jordan Henderson, fyrirliði Liverpool, segir að það verði skrýtin tilfinning ef að liðið tekur á móti enska meistaratitlinum fyrir framan enga áhorfendur.

Reiknað er með að keppni í ensku úrvalsdeildinni hefjist aftur í næsta mánuði en leikið verður fyrir luktum dyrum.

„Auðvitað verður þetta öðruvísi. Ef við vinnum titilinn og það verða engir áhorfendur þá verður það frekar skrýtið," sagði Henderson í viðtali við BBC.

„En sem leikmaður þá þurfum við að einbeita okkur að því sem er mikilvægt og eins leiðinlega og það hljómar þá er það að taka einn leik fyrir í einu og reyna að byrja að spila leiki aftur og gera okkar besta."

„Þetta er ekki ennþá búið. Við eigum ennþá verk að vinna og við þurfum ennþá að standa okkur vel á meðal þeirra bestu til loka tímabils."

„Þegar við tölum um bikarinn og að áhorfendur verði ekki þar þá verðum við að takast á við það þegar að því kemur."

„Þegar stuðningsmenn mega mæta aftur á völlinn þá er ég viss um að við munum taka einhver fagnaðarlæti saman."

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit