Skoska úrvalseildarfélagið Rangers hefur keypt Rúmenann Ianis Hagi frá Genk í Belgíu. Talið er að kaupverðið sé í kringum 3 milljónir punda.
Hagi er 21 árs gamall og getur leikið framarlega á miðjunni og á báðum köntum. Hann kom til Rangers að láni frá belgíska félaginu Genk í lok janúar og hefur hrifið Steven Gerrard, stjóra Rangers, sem ákvað að nýta kaupmöguleikann í lánssamningnum.
Ianis er sonur rúmensku goðsagnarinnar Gheorghe Hagi. Hann á að baki tíu A-landsleiki fyrir Rúmeníu, sem á að mæta Íslandi í umspili fyrir EM. Upphaflega átti að leika undanúrslit og úrslit umspilsins í marsmánuði, en vegna kórónaveirufaraldsins var ekki hægt að leika þá leiki. Núna er vonast til að leika það í haust.
Rangers var í öðru sæti skosku úrvalsdeildarinnar þegar keppni þar var hætt í mars vegna kórónuveirunnar. Ákveðið var í kjölfarið að byrja þetta tímabil ekki aftur í Skotlandi og Celtic veittur meistaratitilinn.
I’m extremely happy and proud to be part of the @RangersFC family and represent the colours of such a huge club permanently. I can’t wait to meet up with the boys, play at Ibrox again and keep enjoying moments with our amazing fans! 💙🤍
— Ianis Hagi (@IanisHagi10) May 27, 2020
I also want to thank @KRCGenkofficial pic.twitter.com/plgdDs7L2p
Athugasemdir