Gracia stýrði síðast Watford en fékk sparkið þar í september á síðasta ári eftir aðeins fjóra leiki í ensku úrvalsdeildinni. Hann tók við Watford í janúar 2018 og kom liðinu í úrslitaleik enska bikarsins en fékk svo ekki mikinn tíma á nýafstöðnu tímabili í ensku úrvalsdeildinni.

Watford rak einnig Quique Sanchez Flores og Nigel Pearson á tímabilinu og féll úr deild þeirra bestu.

Valencia hafnaði í níunda sæti spænsku úrvalsdeildarinnar á nýliðnu tímabili. Gracia tekur við starfinu af Albert Celades, en Salvador González, betur þekktur sem Voro, stýrði liðinu í síðustu leikjum tímabilsins.