Isaksen til Lazio (Staðfest) - Guendouzi næstur inn

Isaksen er 22 ára gamall og kom að 31 marki í 45 leikjum með Mið-Jótlendingum á síðustu leiktíð.

Hann er sjöundi leikmaðurinn sem Lazio fær í sumar eftir að hafa krækt í menn á borð við Daichi Kamada, Nicoló Rovella og Taty Castellanos.

Næstur inn eftir Isaksen verður franski miðjumaðurinn Matteo Guendouzi. 

Lazio er búið að ná samkomulagi við Marseille um kaupverð sem nemur um 18 milljónum evra.

Guendouzi er 24 ára gamall og hefur verið mikilvægur hlekkur í liði Marseille síðan hann kom til félagsins úr röðum Arsenal.

Guendouzi, sem spilaði tæpa 100 leiki á tveimur árum hjá Arsenal, er með sjö A-landsleiki að baki fyrir sterkt lið Frakka.