Birkir Már Sævarsson reyndist hetja Valsmanna þegar að hann skoraði jöfnunarmark á 90.mínútu í 1-1 jafntefli gegn Breiðablik í Pepsi Max-deildinni í kvöld.

„Mér fannst þetta lélegur leikur hjá okkur og við vorum í raun heppnir að ná jafntefli hér í dag." sagði Birkir Már einfaldlega eftir leikinn í kvöld.

Lestu um leikinn: Valur 1 -  1 Breiðablik

Birkir Már hefur nú skorað þrjú mörk í síðustu tveimur leikjum en hann hefur ekki verið þekktur fyrir það að vera mikill markaskorari.

„Þetta er að ganga á einhvern ótrúlegan hátt upp fyrir framan markið hjá mér, en ég held að það séu bara tilviljanir." sagði einlægur Birkir aðspurður um markheppni sína.

Valur hefur verið á gríðarlegu skriði undanfarið og höfðu fyrir þennan leik unnið tíu deildarleiki í röð og stefna hratt að Íslandsmeistaratitlinum. Birkir segir að þeir verði samt að spila betur en í dag.

„Það eru svona frammistöður sem að geta klúðrað þessu fyrir okkur næstu leikjum og við verðum að stíga upp og gera þetta almennilega." sagði Birkir.

Nánar er rætt við Birki í spilaranum að ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit