Sungu að hann yrði rekinn á morgun og það svo gerðist (Staðfest)

Smith var í þrettán mánuði í starfi á Carrow Road og náði samkvæmt frásögn enskra fjölmiðla ekki að heilla fólk þar. Craig Shakespeare, aðstoðarmaður Smith, fær einnig sparkið.

Smith er fyrrum stjóri Aston Villa og Brentford. Hann tók við Norwich þegar Daniel Farke var látinn fara í nóvember í fyrra. Smith var þá nýbúinn að fá sparkið hjá Aston Villa og Steven Gerrard var ráðinn þangað í kjölfarið. Smith náði ekki að halda Norwich uppi í úrvalsdeildinni og fær ekki að halda áfram því verkefni að koma liðinu aftur upp.

Það var óánægja með Smith á Carrow Road og hafði hann bannað fjölskyldu sinni að mæta á völlinn vegna óánægju stuðningsmanna. Hann vildi ekki að fjölskyldumeðlimir myndu upplifa þetta óvinalega andrúmsloft.

Stuðningsmenn kölluðu eftir því að Smith fengi sparkið eftir tapið í gær gegn Luton sem endaði manni færra. Stuðningsmenn Norwich tóku undir með stuðningsmönnum Luton sem sungu um að Smith yrði rekinn á morgun. Sem svo raungerðist.

"Sacked in the morning" sing the Luton fans.

Norwich fans join in.

??65 | ???? 1-0 ????#LTFC #EFL #NCFC

— Michael Bailey (@michaeljbailey) December 26, 2022