Miðvörðurinn hávaxni Bjarki Aðalsteinsson er búinn að skrifa undir tveggja ára samning við Grindavík.
Bjarki kemur til félagsins úr röðum Leiknis R. þar sem hann spilaði 24 leiki í fyrra og skoraði tvö mörk er Breiðhyltingar féllu úr Bestu deildinni.
Ljóst er að Bjarki verður mikill liðsstyrkur fyrir Grindvíkinga sem enduðu um miðja Lengjudeild í fyrra með 30 stig.
Grindvíkingar hafa verið að styrkja sig mikið fyrir komandi tímabil og verður áhugavert að fylgjast með gengi þeirra í Lengjudeildinni undir stjórn Helga Sigurðssonar.
„Ég er afar glaður að fá Bjarka í okkar raðir. Þetta er frábær karakter og mikill leiðtogi. Hann mun styrkja okkar varnarlínu verulega með reynslu sinni og færni. Ég er þess fullviss að Bjarki á eftir að smellpassa inn í þá vegferð sem Grindavík er að hefja í ár,“
segir Haukur Guðberg Einarsson, formaður Knattspyrnudeildar Grindavíkur.
Athugasemdir