Formaður Leeds á leið til Englands til að ræða við Farke

Paraag Marathe, stjórnarformaður Leeds, flýgur til Englands frá San Fransisco í dag til að ræða við Daniel Farke um framtíð hans.

Enskir fjölmiðlar sögðu frá því í síðustu viku að Leeds íhugi að reka stjórann þrátt fyrir að hann hafi komið liðinu upp í ensku úrvalsdeildina.

Stjórn Leeds ku ekki vera sannfærð um að Farke sé rétti maðurinn til að stýra liðinu í deild þeirra bestu.

Leeds stefnir á að vinna Championship-deildina en Farke hefur tvívegis afrekað það sem stjóri Norwich. Það hefur hinsvegar ekki gengið eins vel hjá honum í efstu deild.